Lyrics

മാനസം കവരുന്ന നവനീതചോരാ
മാധവാ യാദവാ സ്നേഹബാലാ.. (2)
രാധാ സമേതനാം നിൻ ലാസ്യലഹരിയിൽ
രാവായി എൻ മനം ചേർന്നിടട്ടെ.. (2)
(മാനസം കവരുന്ന)

താരകൾ പൂക്കളായ് താഴെയെത്തി
രാജീവ നയനനുധാരമായ്.. (2)
കാറ്റിന്റെ മൃദുതാളം ചൂളമിട്ടൂ
കാർമുകിൽ പൂവന ച്ഛായ തീർത്തു..
(മാനസം കവരുന്ന)

ഓരോരോ മലരായി നിൻ്റെ പാദം
രാഗിണിമാർക്കൊത്തു ഹർഷമാർന്നു.. (2)
കൈവള കാൽത്തള ചേർന്നു മൂളി
കൈതവ കണ്ണന്റെ പാൽ ചിരിയിൽ..
(മാനസം കവരുന്ന)