Lyrics

പാപലീലാലോലനാവാൻ ശാപമോ വരദാനമോ..
പിന്നിലെ വായ്ത്താരിക‌ൾക്കായ് മൂകമാം പകർന്നാട്ടമോ...
നിയോഗമാം തിരുമുടി ചൂടുക ലഹരിയിലാടുക ഇനിയും....
ഇനിയും......

അന്തരശ്രുതി പോയ നെഞ്ചിലെ...ചേങ്ങില‌ത്താളങ്ങളേ....
ഇന്ദ്രിയങ്ങൾ പുകഞ്ഞ വെൺ‌പുക മുറ്റും അസ്തമയങ്ങളേ...
ശുഭാശുഭം തിരയുവതെന്തിനു് ലിഖിതമീ ജീവഗതി തുടരൂ...
തുടരൂ.....

താരമുദ്രാലീലയാലീ യാമിനീ സ്മരകാമിനി
ഗൂഢമായി ജീവരതിതൻ ഭാവമാടുകയാവുമോ...
ചരാചരം മുഴുവനും ഏതൊരു ചരടിലെ പാഴ്മണികൾ ഇവിടെ....
ഇവിടെ.......