Lyrics

ജീവന്റെ ജീവനാം കൂട്ടുകാരീ
സ്നേഹാമൃതത്തിന്റെ നാട്ടുകാരീ
പോകരുതേ നീ മറയരുതേ
എന്നെ തനിച്ചാക്കി അകലരുതേ...
ജീവന്റെ ജീവനാം കൂട്ടുകാരീ
സ്നേഹാമൃതത്തിന്റെ നാട്ടുകാരീ

എന്നെ ഞാന്‍‌ കാണുന്ന കണ്ണുകളാണു നീ
എന്റെ സ്വപ്നങ്ങള്‍‌ തന്‍‌ വര്‍‌ണ്ണങ്ങളാണു നീ
എന്റെ സ്വരങ്ങള്‍‌ക്കു ചാരുതയാണു നീ
എന്‍‌ ചുണ്ടില്‍‌ വിടരും പുഞ്ചിരിയാണു നീ
നിന്നനുരാഗദീപമണഞ്ഞാല്‍‌
തുടരുവാനാകുമോ ഈ യാത്ര
പോകരുതേ നീ അകലരുതേ
എന്നെ തനിച്ചാക്കി അകലരുതേ... (ജീവന്റെ)

തപസ്സിനൊടുവില്‍‌ നീ വരപ്രസാദമായ്
എനിക്കു കൈ വന്ന ജന്മ സുകൃതമായ്
ഞാന്‍‌ ചെയ്ത പുണ്യങ്ങള്‍‌ നീയെന്ന ഗീതമായ്
ജീവനിലെന്നും തുടിയ്ക്കുന്ന താളമായ്
നിന്‍‌ കരലാളനമേല്‍‌ക്കാതിനിയത്
നിശ്ചലമാവുകയായിരിക്കും
പോകരുതേ നീ അകലരുതേ
എന്നെ തനിച്ചാക്കി അകലരുതേ... (ജീവന്റെ)