Lyrics

പ്രിയതമനേ എന്‍ സ്നേഹിതനേ
അറിഞ്ഞിരുന്നോ നീ കേട്ടിരുന്നോ
പ്രണയം ഇത്രമേല്‍ മധുരമെന്ന്
അതിന്റെ സൗരഭം ലഹരിയെന്ന്
അനുപമ സുന്ദരനിമിഷമെന്ന്
അസുലഭനിര്‍വൃതി പകരുമെന്ന്
അറിഞ്ഞിരുന്നോ നീ കേട്ടിരുന്നോ
(പ്രിയതമനേ)

പ്രിയതമനേ എന്‍ ഗായകനേ
അറിഞ്ഞിരുന്നോ നീ കേട്ടിരുന്നോ
പ്രണയം ഇത്രമേല്‍ ദിവ്യമെന്ന്
നമ്മളില്‍ നന്മ ഉണര്‍ത്തുമെന്ന്
സ്വപ്നങ്ങള്‍ വര്‍ണ്ണാഭമാക്കുമെന്ന്
അനുഭൂതി ഹരിതമാക്കുമെന്ന്
അറിഞ്ഞിരുന്നോ നീ കേട്ടിരുന്നോ
(പ്രിയതമനേ)

സ്നേഹിതനേ എന്‍ സ്നേഹിതനേ
അറിഞ്ഞിരുന്നോ നീ കേട്ടിരുന്നോ
പ്രണയം ഇത്രമേല്‍ അനഘമെന്ന്
മായ്ച്ചാലും മയാത്തൊരോര്‍മ്മയെന്ന്
തീര്‍ത്താലും തീരാത്ത ദാഹമെന്ന്
അണച്ചാലും അണയാത്ത ദീപമെന്ന്
(പ്രിയതമനേ)