Lyrics

നീല നീല മിഴികളോ
നീയലിഞ്ഞ മൊഴികളോ
ഈറനായ നിശകളിൽ
നീ നനഞ്ഞ വഴികളിൽ
നിലാവായ് തിളങ്ങുന്നു ദൂരെ

നീല നീല മിഴികളോ
നീയലിഞ്ഞ മൊഴികളോ

ഈ ഹൃദയമിതിൽ
മധു നിറയും പ്രണയമറിഞ്ഞോ നീ
ഞാൻ ഇതുവരെയായ്
കരുതിയൊരീ നിനവുകളാദ്യമായ്

കാതിൽ വന്നു ചൊല്ലുവാൻ
ഓർത്തിരുന്ന കവിതയോ
നിലാവായ് തിളങ്ങുന്നു ദൂരെ

നീല നീല മിഴികളോ
നീയലിഞ്ഞ മൊഴികളോ

ഈ കനലെരിയും കരളണിയും
വിരഹമറിഞ്ഞോ നീ
ഈ നടവഴിയിൽ
വിതറിയൊരീ മലരുകളാകവേ

കാൽ നഖേന്ദു ചൂടുവാൻ
കാത്തിരുന്ന നിമിഷമോ
നിലാവായ് തിളങ്ങുന്നു ദൂരെ

നീല നീല മിഴികളോ
നീയലിഞ്ഞ മൊഴികളോ
ഈറനായ നിശകളിൽ
നീ നനഞ്ഞ വഴികളിൽ
നിലാവായ് തിളങ്ങുന്നു ദൂരെ