Lyrics

പൊന്നുമണി കണ്ണനുണ്ണി
വെണ്ണകട്ട കള്ളനുണ്ണി
കോടക്കാര്‍വർണ്ണനായ് കൂടെപോര്
ആരിരാരോ മൂളി പാടി ഉറക്കാൻ
ആട്ടുതൊട്ടിലില്‍ മെല്ലെ ആട്ടിയുറക്കാൻ...

പീലി വേണം തൊടാന്‍ ഗോപി വേണം
നിറനിലാവുപോൽ കോടിവേണം
പൂമുത്തിനു മാമുണ്ണാന്‍ ഉറിനിറയെ തൂവെണ്ണ
കളിയാടാന്‍ മടിനിറയെ മഞ്ചാടിയും
ഓടിവായോ കണ്ണാ ഒരുങ്ങിവായോ
പൊന്നുടല്‍ കണികാണാനടുത്ത് വായോ...

(പൊന്നുമണി )

പാട്ടുമൂളാന്‍ മുളംതണ്ട് വേണം
മെല്ലെ മേയ്ക്കുവാന്‍ പയ്യുകള്‍ വേണം
നീരാടാന്‍ കാളിന്ദി നിറമണിയാന്‍ മൂവന്തി
അമ്പാടിക്കുയിലിന്റെ ശ്രീരാഗവും
ഓടിവായോ കണ്ണാ ഒരുങ്ങിവായോ
ആകാശക്കുടചൂടാന്‍ അടുത്തുവായോ...

(പൊന്നുമണി )