Lyrics

ഓമന കുയിലേ പാടുവതെങ്ങനെ
ഓണപ്പാട്ടിന്റെ ഈണം..
താനിരുന്നാടുന്ന പൂമര ചോട്ടിൽ
കണ്ടുവോ നീയെൻ ഗായകനേ..
ആരോടും ചൊല്ലാതെ ആരാരുമറിയാതെ
പോയൊരെൻ തോഴനെ കണ്ടുവോ..

ഓമന പൂങ്കുയിലെ..
എൻ ആരോമൽ പൂങ്കുയിലേ..

ഉത്രാട പുലരിയിൽ പൂവിറുക്കുമ്പോൾ
കാലൊച്ച കേട്ടു ഞാൻ തൊടിയരികിൽ
ഒരു നേർത്ത പുഞ്ചിരി പൂക്കളുമായി
ഗന്ധർവനായി നീ വന്നണഞ്ഞു
ഗന്ധർവനായി നീ വന്നണഞ്ഞു..

ഓമനപൂങ്കുയിലെ..
എൻ ആരോമൽ പൂങ്കുയിലേ..

എന്നനുരാഗമാം പൂമര കൊമ്പിൽ
കൂടൊന്ന് കൂട്ടി ഞാൻ കാത്തിരുന്നു..
നീ മൂളും പ്രിയഗീതം കേൾക്കുവാനെന്നെന്നും
അരികിൽ കാതോർത്തിരുന്നുവല്ലോ ഞാൻ
അരികിൽ കാതോർത്തിരുന്നുവല്ലോ ഞാൻ

(ഓമന കുയിലേ)