Lyrics

പാർവണ പാൽമഴ പെയ്തൊഴിയും
പാലപ്പൂമണ പുഴയൊഴുകും
ആയിരം നിലയുള്ളൊരാവണിക്കൊട്ടാരം
ആകാശപ്പനയിൽ ഞാൻ പണിഞ്ഞുതരും

എന്തു വേണം സഖി എന്തു വേണം
ഇനി നിനക്കെന്തു വേണം
ഋതുമതിപ്പെണ്ണിന്‌ ഞൊറിഞ്ഞുടുക്കാൻ
കസവണിക്കോടി കണികോടി

ആയിരത്തൊന്ന് തളിർവെറ്റിലയിൽ
സ്വർണ്ണനക്ഷത്ര കളിപ്പാക്ക്‌
പാടാൻ സ്വർഗ്ഗവാതിൽ കിളിപ്പാട്ട്‌
എന്തു വേണം സഖി എന്തു വേണം

ഇനി നിനക്കെന്തു വേണം
ചിലങ്കകൾ കിലുങ്ങും സ്വരമേളം
ആതിരരാവിൻ തിരുവരങ്ങ്‌
താമരക്കുമ്പിളിൽ ശലഭഗീതം

നിനക്കാടാൻ അമ്പിളികളിയൂഞ്ഞാൽ
ആശകൾ നീർത്തും മയിൽപ്പീലി
എന്തു വേണം സഖി എന്തു വേണം
ഇനി നിനക്കെന്തു വേണം