Lyrics

ഉദയസൂര്യനെ തുയിലുണര്‍ത്തുവാന്‍
വരിക ശാരികേ നീയരികെ
വരവീണാ നാദവുമായ്

പൂര്‍വനഭസ്സിന്റെ തീരത്തുഷസ്സിന്റെ
ദേവതതന്‍ പ്രിയഗായികേ
ആദിത്യ രശ്മികള്‍ ആയിരം തന്ത്രിയായ്
ആനന്ദഭൈരവി മീട്ടൂ നീ
ഉണരും ഗംഗയില്‍ മംഗള ശ്രീരാഗം
കുയിലും പാടുന്നു പഞ്ചമ മോഹനം

അഴകിന്നുറവായ് ഗഗനം
അമൃതിന്‍ നിറവായ് ഭുവനം

ആ മധുരാര്‍ദ്രമാം സാമസംഗീതത്തിന്‍
ആഴത്തില്‍ നിന്നൊരു മുത്തുതരൂ
ഞാനതെന്‍ ഈരിഴമാലയില്‍ കോര്‍ക്കട്ടെ
കാണിക്ക വെയ്ക്കട്ടെ നിന്‍ മുന്നില്‍
വിരിയുമെന്റെയീ അക്ഷരപ്പൂക്കളില്‍
നിറയേ ശാലീന മോഹപരാഗങ്ങള്‍

ഒരു പൊന്‍ തുടിയായ് ഹൃദയം
സ്വരമഞ്ജരിയായ് ഉദയം