Lyrics

എങ്ങാണോ സ്നേഹാരാമം
എങ്ങാണെന്‍ തേന്‍ നിലാപ്പൂക്കള്‍..
നീഹാരസന്ധ്യാ ഹൃദയം പാടി
പൂത്തുമ്പിയെങ്ങോ മെല്ലെ തേങ്ങി..

(എങ്ങാണോ)

പൊന്നോണവില്ലും കതിര്‍പ്പൂവുമായ്
ഇനിയെന്നു വരുമെന്റെ കുഞ്ഞാവണീ.. (2)
പറയാതെ പോയോരെന്‍ തിരുവാതിരേ
പൊയ്‌പോയ ബാല്യത്തിന്‍ വ്രതചന്ദ്രികേ...
ഇനിയെന്നു കാണുമോ നാം..

(എങ്ങാണോ)

കണികണ്ടു നിറയുന്ന വിഷുവേളയില്‍
കൈക്കുമ്പിളില്‍ വീണ പൊന്‍ നാണ്യമേ.. (2)
അകനാഴി നിറയുന്നതെന്നാണിനീ
ഉള്‍പ്പൂക്കള്‍ ഉണരുന്നതെന്നാണിനീ
ഇനി എന്നോടു മിണ്ടില്ലയോ..

(എങ്ങാണോ)