Lyrics

മഴയായ് മഞ്ഞു മഴയായ്
നിന്‍റെ മനസ്സില്‍ പെയ്തിറങ്ങാം
നെറുകില്‍ നോവും മുറിവില്‍ നേര്‍ത്തൊരലിവാല്‍ ഉമ്മ നല്‍കാം
മഞ്ഞു ചില്ലയില്‍ പാടും കുഞ്ഞു പ്രാവല്ലയോ
നെഞ്ചു നീര്‍ത്തുമീ സ്നേഹ മഞ്ചലില്‍ ചായുറങ്ങുവാന്‍ വാ

മാഞ്ഞു പോകുന്ന മകരരാവിന്‍റെ മുടിയില്‍ മിന്നും
കനല്‍നിലാവിന്‍റെ കനകതാരമാം പൊന്‍മുത്തേ
നനുനനഞ്ഞുവോ മിഴിയിമകള്‍
പ്രാണോരം പൂവേ
നെഞ്ചു നീര്‍ത്തുമീ സ്നേഹ മഞ്ചലില്‍ ചായുറങ്ങുവാന്‍ വാ


ഉള്ളിലൂറുന്നൊരഴല്‍ മറന്നെന്‍റെ അരികില്‍ നില്‍ക്കൂ
ഞാറ്റുവേലതന്‍ കാറ്റിലിടറുന്നു കൈത്തിരിയേ
മൊഴി വിതുമ്പി നീ കരയരുതേ
വാ വാ വം വായേ
നെഞ്ചു നീര്‍ത്തുമീ സ്നേഹ മഞ്ചലില്‍ ചായുറങ്ങുവാന്‍ വാ