Lyrics

അറിഞ്ഞിരുന്നില്ല ഞാൻ
ഇനിയെന്റെ വീണയിൽ
നീയൊരു രാഗമായ് ഉണരുമെന്ന്
അഴകേ നീ ഹൃദയത്തിൽ പടരുമെന്ന്
ഓർമ്മയിൽ മധുരമായ് നിറയുമെന്ന്
നീയെന്റെ സ്വന്തമായ് മാറുമെന്ന് (അറിഞ്ഞിരുന്നില്ല...)

അറിഞ്ഞിരുന്നില്ല ഞാൻ
ഇനിയെന്റെ കരളിലെ
കനവുകൾ ഒരുനാളും അണയുമെന്ന്
ഇനിയും, കുളിരായ് നീ തഴുകുമെന്ന്
എന്നെ തലോടി തലോടിയുറക്കുമെന്ന്
നീയെന്റെ സ്വന്തമായ് മാറുമെന്ന് (അറിഞ്ഞിരുന്നില്ല...)

അറിഞ്ഞിരുന്നില്ല ഞാൻ
ഇനിയെന്റെ സ്വപ്നത്തിൽ
പൂമ്പാറ്റയായ് നീ മാറുമെന്ന്
പുലർകാലരശ്മിയായ് അണയുമെന്ന്‌
എന്നെ നീ തൊട്ടുണർത്തീടുമെന്ന്
നീയെന്റെ സ്വന്തമായ് മാറുമെന്ന്

(അറിഞ്ഞിരുന്നില്ല ....)