Lyrics

പൊന്നോണം പൂവിൽ വിരിഞ്ഞതോ
പൊൻതാരം വിണ്ണിൽ നിറഞ്ഞതോ..
അത്തം പത്തോണം നാൾ നാടെങ്ങും ഉല്ലാസം
കൈകൊട്ടി പാട്ടിന്റെ താളത്തിൽ ആടീടാം..
പൊന്നോണം കൂടാനായി പോരുന്നോ നീ
മല്ലിപ്പൂ ചേലൊത്ത മൈനപ്പെണ്ണേ.. (2)

(പൊന്നോണം പൂവിൽ)

മുല്ലപ്പൂ ചേലുണ്ട് മുക്കുറ്റി ചാന്തുണ്ട്
കൈതപ്പൂ മണമുള്ള തുമ്പിപ്പെണ്ണേ.. (2)
നിനക്ക് തരാൻ നുണക്കവിളിൽ
ഒരു ചുംബനവും ഞാൻ കരുതാം.. (2)
ഈ പൂന്തെന്നലിൽ നിന്നെ ഉറക്കാം
പൊന്നിൻ ഊയലിൽ താരാട്ടിടാം..
പൊന്നോണം കൂടാനായി പോരുന്നോ നീ
മല്ലിപ്പൂ ചേലൊത്ത മൈനപ്പെണ്ണേ.. (2)

(പൊന്നോണം പൂവിൽ)

തുമ്പപ്പൂ ചോറുണ്ട് കൊതിയൂറും കറിയുണ്ട്
തേനൂറും പൈ പാലിൻ പ്രഥമനുണ്ടേ.. (2)
നിനക്കിരിക്കാൻ എൻ കരളിൽ
മഴവിൽ കുടിലും ഞാൻ ഒരുക്കാം.. (2)
നിന്നോർമയിൽ വീണു മയങ്ങാം
സ്നേഹപൊയ്കയിൽ ആറാടിടാം..
പൊന്നോണം കൂടാനായി പോരുന്നോ നീ
മല്ലിപ്പൂ ചേലൊത്ത മൈനപ്പെണ്ണേ.. (2)

(പൊന്നോണം പൂവിൽ)