Lyrics

ഓടി ഓടി ഓടി വന്നു ഒന്നാമോണം വന്നു..
ഓമനത്തിങ്കളെ ഒക്കത്തു വച്ചുകൊണ്ടൊന്നാമോണം വന്നു..
ഒന്നാമോണം വന്നു.. (2)

പൂമര കൊമ്പത്ത് തൊട്ടിലാട്ടം
ഇന്ന് താമരക്കുമ്പിളിൽ ചോറൂണ് (2)
മാടത്തിൻ മുറ്റത്തും മാളിക തട്ടിലും
മാടത്തിൻ മുറ്റത്തും മാളിക തട്ടിലും
മാവേലിക്ക് വിരുന്നൂട്ട്.. ഇന്ന് മാവേലിക്ക് വിരുന്നൂട്ട്..

(ഓടി ഓടി)

വെണ്ണല കാവിലെ വേലയും കണ്ടു
രണ്ടാമോണം വന്നു.. (2)
കണ്ടും കേട്ടും സദ്യയുണ്ണാനായി
വണ്ടും തുമ്പിയും വന്നു
വണ്ടും തുമ്പിയും വന്നു

(ഓടി ഓടി)

മുല്ലയും മല്ലിയും മുക്കുറ്റിയും ചൂടി
മൂന്നാമോണം വന്നു.. (2)
മുറ്റത്തെ പന്തലിൽ നാക്കില മൂക്കില
പാലട തേനട വന്നു
പാലട തേനട വന്നു..

(ഓടി ഓടി)

നാടുകാണിച്ചുരം കേറി മറിഞ്ഞിട്ട്
നാലാമോണം വന്നു.. (2)
തുമ്പി തുള്ളാമല പൊന്മല ചുറ്റി
തമ്പുരാൻ മാവേലി വന്നു
തമ്പുരാൻ മാവേലി വന്നു..

(ഓടി ഓടി)