Lyrics

ഓണം പൊന്നോണം പൂ തിരുവോണം
മാമല നാടിനും പൊൻ പൂരം.. (2)
തുമ്പയും തുളസിയും ചേമന്തിയും..
പൊൻതിരി നീട്ടുന്നൊരീ സുദിനം..

(ഓണം പൊന്നോണം)

ഓരില താളത്തിൽ താളം തുള്ളുന്ന
പൂവാലൻ തുമ്പി..
എൻ കളിവീടിൻ മുറ്റത്ത്
പൂക്കളം തീർക്കാനായി
ഒരു കുമ്പിൾ പൂ നീ തന്നേ പോ..
തിരുവോണപ്പൂ നീ തന്നേ പോ..

(ഓണം പൊന്നോണം)

കളിവഞ്ചി പാട്ടിന്റെ ഈണത്തിൽ ചാഞ്ചാടി
താളം പിടിക്കുന്ന കുഞ്ഞോളം.. (2)
പൊന്നാര്യൻ പാടങ്ങൾ കതിരാട്ടി തുള്ളുന്നു..
പൊൻ തിരുവോണം കൂടാനായി..
പൂ തിരുവോണം കൂടാനായി..

(ഓണം പൊന്നോണം)